Konseho Insular di Boneiru ta duna informashon tokante desaroyonan resiente den gobernashon
Djasabra último, dos diputado, Señora Cicilia i Señora Den Heyer, a entregá personalmente nan karta di retiro na Gezaghebber interino, den su kapasidat komo Presidente remplasante di Konseho Insular.
Ámbos diputado a entrega nan retiro ku efekto inmediato. A notifiká e miembronan di Konseho Insular(KI) inmediatamente. Na momento ku a risibí e kartanan den forma ofisial riba djaluna a kompartí esaki ku e miembronan di KI.
Djaluna, Gezaghebber a informá Konseho Insular ku, konforme artíkulo 54 di WolBES, e ta supstituí Kolegio Ehekutivo. E lei ta stipulá ku ora ku mas ku mitar di e funshonnan di Kolegio Ehekutivo ta vakante, Gezaghebber ta remplasá Kolegio Ehekutivo pa garantisá kontinuidat di gobernashon.
Awe 30 di yüli 2025, tres miembro di Konseho Insular a entrega un petishon formal pa konvoká un reunion ekstraordinario di toma di desishon. E reunion aki ta plania pa 14 di ougùstùs 2025 pa 7or di anochi, ku e meta prinsipal di trata e nombramentu di diputadonan nobo.
Debí na e reunion aki, e periodo di reseso di e Konseho Insular lo finalisá mas trempan ku plania. Tur otro reunion planifiká lo tuma lugá manera plania.
Konseho Insular di Boneiru ta sigui traha pa sigurá un gobernashon stabil i efisiente na benefisio di Boneiru i su pueblo.